Հայր Ֆետերիքօ Լոմպարտիի զրոյցը` ''Կարտինալական Խորհուրդի'' ժողովներու մասին։

Չորեքշաբթի, 2 յուլիս 2014-ին, Սուրբ Աթոռի մամլոյ գրասենեակի տնօրէն` Հայր Ֆետերիքօ Լոմպարտին, մամլոյ ասուլիսի մը ընթացքին, ներկայացուց, այս օրերուն տեղի ունեցող, Կարտինալական Խորհուրդի ժողովներու գործընթացը, տեղեկանցելով թէ կարտինալական ''ութեակ'' խորհուրդի ժողովներուն կը մասնակցին նաեւ Սրբազան Քահանայապետը եւ Վատիկանի Պետական Քարտուղար` Կարտտինալ Փարոլինը։ ''Այսուհետեւ խօսելու ենք խորհուրդի ոչ թէ ութ այլ ինը անդամներու մասին, առաւել Սրբազան Պապը'', ըսաւ Հայր Լոմպարտին ու ակնարկեց ժողովի ընթացքին շօշափուած նիւթերուն` որոնց շարքին ''Վատիկանի Պետութեան'', ''Պետական Քարտուղարութեան'' ինչպէս նաեւ ''Վատիկանի Դրամատան - Եօրի'' հայող հարցերը։Խօսելով այս վերջինին մասին, Հայր Լոմպարտին յայտնեց թէ ''Եօրը'' յեղաշրջումի ընթացքի մէջ է, եւ թէ հաւանաբար եկող շաբաթ, մամլոյ ասուլիսի մը ընթացքին կը ներկայացուին այս մասին մանրամասն եւ նշանակալի տեղեկութիւններ, նկատի ունենալով որ մօտ օրէն` շաբաթ 5 յուլիսին, տեղի կ՛ունենայ նաեւ ''Տնտեսութեան Խորհուրդի'' ժողովը, որուն օրակարգը կը նախատեսէ, ի մէջ այլոց, ''Եօրի'' քննարկումը։
Սուրբ Աթոռի մամլոյ գրաեսնեակի տնօրէնը յայտնեց ապա թէ ''Կարտինալական խորհուրդը''. իր ժողովները կը շարունակէ մինչեւ ուրբաթ 4 յուլիս, ''Քուրիայի սահմանադրութեան վերատեսութեան'' ծիրէն ներս քննարկելով `Քահանայապետկան Խորհուրդներու, Ժողովներու եւ Քուրիայի զանազան բաժիններու վերաբերող հարցեր։